Pengharapan

 

Pengharapan Walau raga ini terluka… 

rasa ini terus ingin bertahan

cinta dan keyakinan 

keindahan dan kebahagiaan

 Walau ku tahu .. 

Hanyalah angan-angan 

Sebagai keinginan yang telah hilang

Kau ingin aku terus menanti 

Tanpa ada kepastian 

Seperti mimpi merindukan nyata 

Walaupun ada , pasti kan tak ada 

Dan meluruhkan rasa. 

Tak pernah kah kau merasa.. 

cinta dan kesetiaanku 

Hanya untukmu, selalu menyala.. 

Walaupun godaan dan kesunyian 

Tak pernah sepi dari hatiku,

Karena keyakinanku.. 

Kesetiaan pada satu cinta 

Adalah hal yang terindah dalam hidup 

Mungkinkah suatu saat nanti… 

Pintu hatimu akan terbuka untukku 

Yang tak lagi ada keraguan 

Dan tak lagi ada perpisahan 

Sehingga impian kebahagiaan 

Akan menjadi nyata

Langit bengras taya aling-aling

 

mega bodas nyacas mapaesan endahna sagara ombak pakidulan

seahna cai laut ngageterkeun hate nembrag jajantung

sakedapan, renghapan leutik bangun rumahuh

aya anu nyelek na sela-sela dada

nyeri peurih lir di turih ku pucuk eurih

Di tungtung halimun

Di sisi basisir

Mitineung dudeuh anu tetep maneuh

Midangdam rasa anu moal sirna

Rasa kamelang kumalangkang

Panutan ati lawas tepang

Rasa ti Salira

Rasa ti salira ningkeran hate

Ku simpay kadeudeuh

Dipiguraan ku kuwung-kuwung kasono

Dituntun kusalempay kamelang

Dina pasini anu nganti wanci

Rasa ti salira

Teu kawawa na mayakpakna tresna

Bodasna asih sumeleket na dasar hate

Dipupusti ku rasa rumasa

Kabagjaan raga sukma

Mugurkeun kamangmang.

Basa Wanci Geus Kasungsi

 

Bulan ninggalkeun caangna

Angin ngahiliwir ngedagkeun daun lamunan

Peuting ieu taya bentang nembongan

Nyumput dina mega hideung

Mapag lalakon anyar

Rasa mancawura ka jomantara

Nalika patepang di maya pada

Anjeun

Natra sajatina

Teu ngawujud raga

Tapi nyata diaping ku sukma

Sabar, deudeuh mapaes satia

Anjeun

Sajatina raga sukma

Anu teu weleh mere harepan

Teuneung ludeung

Taya kasieun.

Sapasi Kalangkang

Bentang marengan bulan

Sapasi kalangkang marengan hate nu ringrang

Inggis langit ceudeum kaangkeuban

Panutan kakasih ati

Salira ngajadi bentang dina sanubari

Ngajadi bulan anu nyaangan lebeting kalbu

Hampura,

Mun caangna rada kasamaran

Kahalang sapasi kalangkang

Hampura,

Da ngan ukur saliwatan

Milu meuntas dina pikiran

Anu keur kiruh

Mugia wanci malikeun hate

Kena asih cinta salira.

SAJADAH DI JURU IMAH

 

Janari leutik,

Batin nyeungceurikan sakolépat raray gamparan,

Kagambar rupa nu ngawitan méotan,

Kagagas cimata nyakclak kana sajadah,

Cihcir ngaléléwé haté,

Nyimpékeun lamunan nu pabuis ku rasa,

Hayang malikan mangsa katukang,

Nu bisa ngan saukur nyangkrung dina juru panon,

Hiliwir angin peuting,

Nyirep honcewang dina amparan du'a,

Lir teutep gamparan nu meruhkeun ombak,

Rongkah ngagalura dina sagara amarah,

Indung,

Sajadah di juru imah,

Tilam gamparan ngumpulkeun rupi impénan,

Indung,

Hampura abdi,

Cisoca salira teu acan janten inten.

Sapasi Kalangkang

 

Bentang marengan bulan

Sapasi kalangkang marengan hate nu ringrang

inggis langit ceudeum kaangkeuban

Panutan kakasih ati

Salira ngajadi bentang dina sanubari

Ngajadi bulan anu nyaangan lebeting kalbu

Hampura,

Mun caangna rada kasamaran

Kahalang sapasi kalangkang

Hampura,

Da ngan ukur saliwatan

Milu meuntas dina pikiran

Anu keur kiruh

Mugia wanci malikeun hate

Kena asih cinta salira.