mega bodas nyacas mapaesan endahna sagara ombak pakidulan
seahna cai laut ngageterkeun hate nembrag jajantung
sakedapan, renghapan leutik bangun rumahuh
aya anu nyelek na sela-sela dada
nyeri peurih lir di turih ku pucuk eurih
Di tungtung halimun
Di sisi basisir
Mitineung dudeuh anu tetep maneuh
Midangdam rasa anu moal sirna
Rasa kamelang kumalangkang
Panutan ati lawas tepang
Tidak ada komentar:
Posting Komentar